Eva, Si Adan!

Eva, Si Adan

Bangud ginabot ka lang kuno sa gusok ni Adan

Agud may iyang hampang-hampangan,

Maistorya-istoryahan kag mapautwas-utwasan

Sa oras nga iyang kinahanglan

Madamu na nga ngalan

Ang ilang ginsulat sa imo nga dalan:
Salome, Magdalena, Maria Clara, Bagyo Esyang.

Bangud mahuyang kuno ang imong dughan,

Maski ang bagyo nga makaluka sang butong

Kag mapapalunod sang barko

Ginapangalanan man gihapon sa imo.

Pero waay madumdumi sang mga lalaki

Nga maski si Mark Anthony

Hapatiyog-tiyog ni Cleopatra

Maski sa guwa sang kama.

Waay nila madumdumi nga si Gabriela gali

Ang nagpahaba sang dalan ni Diego Silang.
Kag sa EDSA, kon waay ang mga kabayo mo
Maghigot sang rosas sa punta sang armalite n Freddie

Sigruo waay si Cory makasindi sang kandila

Sa ermita sang Malakanyang.

Maayo gid sila magpalitik kon paano
Ka lang nila mapasunod-sunod sa ila ikog.

Waay gid sila gapalitik kon paano mo magamit

Ang tanan mo nga utok, lawas kag hulag

Para kita tanan makatakas sa linaw sang utang.

Waay gid kuno kita sang animo
Magdumala sang gobyerno o simbahan.

Maayo lang kuno kita mghibi-hibi, magkiri-kiri

Kon magumon ang hilo mo sa imong salag-utan.

Kon madamo ang nabal-an mo kag mag hambal ka
Sang kuntra sa sulondan nga sila man ang may hinimuan

Isa ka ka amasona kag dapat lang nga isilda.

O kon indi gani myembro ka sang grupo ni Brainda.

Eva, tupong gid lang kamo ni Adan
Sa tanan nga lugar, sa tanan nga butang.

Kon nga-a imo siya nga ginapagustuhan?
O gusto mo gid lang nga ipadumdom
Nga kon nga-a makapapungko siya sang leon
Bangud ikaw ang iyang kaupod.

Eva, Si Adan!

EVA, SI ADAN!

Bangud ginabot ka eang kuno sa gusok ni Adan
Agud may anang hampang-hampangan,
Maistorya-istoryahan ag mapautwas-utwasan
Sa oras nga anang kinahangean
Hay abu eon nga ngaean
Ro andang ginsueat sa imong daean:
Salome, Magdalena, Maria Clara, Bagyo Esyang.
Bangud mahuyang kuno ring dughan,
Maski ro bagyo nga makaeuka't butong
Ag makapaeunod it barko
Hay ginapapangaean man gihapon kimo.
Pero owa madumdumi't mga eaki
Nga maski si Mark Anthony
Hapatiyog-tiyog ni Cleopatra
Maski sa guwa it kama.
Owa nanda madumdumi nga si Gabriela gali
Ro nagpahaba't daean ni Diego Silang.
Ag sa Edsa kon owa ring kaeambong
Maghigot it rosas sa punta't armalite ni Freddie
Hay basi owa si Cory makasindi't kandila
Sa ermita't Malakanyang.
Mayad gid sanda magpalitik kon paano
Ka eang mapasunod-sunod sa andang ikog.
Owa gid sanda gapalitik kon paano mor magamit
Tanan ring utok, wawas ag hueag
Para kita tanan makatakas sa linaw it utang.
Owa ka gid kuno't kalibutan
Sa pagdumaea't gobyerno o simbahan.
Mayad ka eang kuno maghibi-hibi, magkiri-kiri
Kon magumon ring hilo sa imong saeag-utan.
Kon abu ring hasayran ag kon maghambae ka't
Kontra sa sueondan nga anda man nga hinimuan
Isaea ka ka amasona ag dapat eang nga isilda.
O kon bukon ngani myembro ka't grupo ni Brainda.
Eva, tupong gid eang kamo ni Adan
Sa tanan nga lugar, sa tanan nga butang.
Kon ham-at imo imaw nga ginapagustuhan?
O gusto mo gid eang nga ipadumdom
Nga kon ham-at makapalingkod imaw it leon
Hay ikaw ro anang kaibahan.